काठमाण्डु – प्रदेश तथा प्रतिनिधिसभा निर्वाचन आउँन तीन महिना बाँकी रहँदा मुलुका विभिन्न राजनीतिक दलहरु चुनावी अभियान सुरु गरेका छन् ।
यसैक्रममा नेपाली कांग्रेसले ४ मंसिरमा हुने प्रदेश तथा प्रतिनिधिसभा निर्वाचनलाई लक्षित गरी जिल्ला–जिल्लामा केन्द्रीय प्रतिनिधि खटाएको छ । चुनावी अभियानका लागि कांग्रेसले ७७ वटै जिल्लामा १० भदौदेखि ‘जनताको साथमा कांग्रेस’ अभियान सञ्चालन गर्दैछ । सोही अभियानका लागि उसले केन्द्रीय प्रतिनिधि खटाएको हो ।
जनताका समस्या सुन्ने, कांग्रेसले गरेका सुधारका कार्य जनतालाई जानकारी गराउने तथा तालमेलको आवश्यकता बारे नागरिकलाई अवगत गराउने अभियानको उद्देश्य रहेको कांग्रेसले जनाएको छ ।