जानकी खबर ।
४ असोज, जनकपुरधाम ।
नेपाल राष्ट्र बैंकले दशैंका लागि आज (सोमबार )देखि नयाँ नोट साट्न पाउने व्यवस्था मिलाएको छ ।
राष्ट्र बैंकबाट लगायत अन्य बैंकहरुले आफैंले पनि आफ्ना ग्राहकहरुलाई नयाँ नोट सटहीको व्यवस्था गरेका छन् ।
राष्ट्र बैंकले आज देखि बालुवाटार कार्यालय र ७ वटै प्रदेशका प्रादेशिक कार्यालयहरुबाट नयाँ नोट वितरण हुने जनाएको छ ।
यसका अलवा केही विकास बैंक र फाइनान्स कम्पनीहरु समेतले नयाँ नोट लगिसकेका छन् ।
वाणिज्य बैंकहरुले वितरण गर्नका लागि ४ अर्ब रुपैयाँका नयाँ नोट लगिसेकेको राष्ट्र बैंकका कार्यकारी निर्देशक रेवती नेपालले जानकारी दिनुभयो ।
