जानकी खबर ।
१ भदौ,जनकपुरधाम ।
जनकपुरधामा गाँजाको १० वटा भारी पोका सहित एक युवकलाई प्रहरीले पक्राउ गरेको छ ।
सोमबार जनकपुरधाममा पक्राउ पर्नेमा मकवानपुरको हेटौडा उपनगरपालिका वडा नम्बर १९ का ३५ वर्षीय वीरबहादुर बलोनलसई रहेका छन् ।
उनलाई जनकपुरधाम उपमहानगरपालिका वडा नम्बर ४ स्थित विद्यापति चोकबाट १० वटा गाँजाको पोका सहित पक्राउ गरिएको धनुषा प्रहरीले जनाएको छ ।
बा ५ च १४० नम्बरको पिकअप भ्यानमा लुकाई छिपाई ल्याउँदै गरेको अवस्थामा २नम्बर प्रदेश प्रहरी कार्यालय जनकपुरधामबाट खटिएको सादा पोसाकका प्रहरीको टोलीले उनलाई पक्राउ गरेको हो ।
पक्राउ परेका युवक माथि थप अनुसन्धान अगाडि बढाइएको धनुषा प्रहरीले जनाएको छ ।