जानकी खबर ।२७ असार,कञ्चनपुर ।
कञ्चनपुरमा लागूऔषध हिरोइनसहित दुई जना पक्राउ परेका छन् ।
शनिबार साँझ जिल्लाको वेदकोट नगरपालिका सुन्दरपुरस्थित कृषि तालिम केन्द्रको परिसरबाट दुबै जना दुई ग्राम ६० मिलिग्राम लागूऔषध खैरो हिरोइनका साथमा पक्राउ परेका हुन् ।
पक्राउ पर्नेहरूमा २५ वर्षीय गणेश विष्ट र २६ वर्षीय करन धामी रहेका छन् । दुवै जना हिरोइनको कारोवार गर्नका लागि कृषि तालिम केन्द्रको परिसर पुगेका थिए ।
प्रहरीले दुवै जनालाई हिरासतमा राखी आवश्यक कारबाही अगाडि बढाइरहेको छ ।
