जानकी खबर ।
जेठ ३० गते।जनकपुरधाम ।
प्रदेश २ का प्रदेश प्रमुख राजेश झाले मन्त्रिपरिषद् विस्तार गर्दा समावेशी नभएको भन्दै मुख्यमन्त्री लालबाबुलाई पत्रमा लेखेका छन् ।
असन्तुष्टि व्यक्त गरदै प्रदेश प्रमुख झाले यही जेठ २८ गते मुख्यमन्त्री राउतलाई पत्र लेखी प्रदेशभित्रको जनघनत्व र सामुदायिक उपस्थितिलाई सरकारभित्र प्रतिनिधित्व गराउन प्रदेश सरकारको जिम्मेवारी र दायित्व हुने बताएका छन् ।
‘प्रदेशभित्रका महिला, दलित, आदिवासी, गैरमधेसीलगायतका पक्षलाई समानुपातिक, समावेशी उपस्थितितर्फ विशेष पहल गर्न स्मरण गराइन्छ,’ उनले पत्रमा लेखेका छन् ।
यता मुख्यमन्त्री लालबाबु राउतले प्रमुख ‘अहिराज’ले मन्त्रिपरिषद समावेशी नभएको भनी पत्र लेख्नुलाई सामान्य भएको प्रतिक्रिया दिएका छन् ।उहाँले प्रदेश प्रमुखले सरकार समावेशी भए राम्रो हुन्छ भन्नुलाई अन्यथा भन्न नमिल्ने बताउनुभयो।
मुख्यमन्त्री राउतले संविधानले प्रमुखलाई दिएको जिम्मेवारी तहद उहाँले सरकार समावेशी भए राम्रो हुन्छ भन्नुभएको र उहाँको राम्रो कन्सर्न लाई स्वागत गरेको’ मुख्यमन्त्री राउतले बताउनुभयो ।